العشق ملعون الثوا والصلايب

طرد الهوى مافيه غير البلاوي عنوانه الاكبر لك الله مصايب راعيه مثل اللي بماله غناوي من عقبها روّح حلاله خرايب والا الحكيم اللي من العقل راوي وشوي شب الهوش بين القرايب والا الاديب اللي بزين الحكاوي يومين والثالث يشب الطلايب راع الهوى كنه زبون القهاوي كداد خط ولا لقاله كسايب العشق ماله حل ماله مداوي حتى لو قلتوا ترانا حبايب احذر منه ياللي من الناس غاوي العشق ملعون الثوا والصلايب لا لا تروح هناك وين انت ناوي هاذي سوالفهم عليهم عقايب وراحت مشاكلهم بكل النحاوي لو كان في حله بسيط السبايب قلته وانا قلبي من الحب خاوي مرتاح من كثر البلش والنشايب 0

مشكور على الابيات الجميلة وتقبل مروري