رحله الى واادي عمد

الى جميع الاخوان والاصدقاء افراد وقبائل وعوائل ومناطق
والى ابناء حضرموت جميعا السلام عليكم ورحمه الله وبركااته
اهديكم هذهي القصيده وبالاخص واادي عمد


ياهاجسي بوصيك فـي رحلـة سفـررحله مسافتهـا تقـدر بالـف ميـل

ون قلت لي اكثر نعـم يمكـن كثـرواللوم ماشـي لـوم لانقصـة قليـل

ودع رياض المجـد بالبكـره وطـروركب تراي ستار مـن اخـر مديـل

ساعه ونص فوق السحب في الجو فروهبط بنا جده غبـش قيـم المقيـل

لاوصلتهـا تـوك سـرع لاتنتـظـرتوك الى الموقف الـى حـي السبيـل

وطلـع الـى مكـه بنيـه واعتمـروركع وصل في البيت لي ماله مثيـل

ورجع الـى جـده تبضـع واستقـريومين والثالث وقـل حـان الرحيـل

وذهب لبا كلكـا لقـا مكتـب سفـروحجز في اليمداء اذا عفشـك ثقيـل

ودع عروس البحر الاحمر واختصـرواركب في اليمداء وخل قـال وقيـل

واهبط فـي الريـان بكـره وانتظـرفتش قفاشيشـك ولا خلصـت شيـل

واخرج مـن الصالـه معـد باتنتكـرواطلع الى البندر مـع عابـر سبيـل

وان قابلـك صاحـب معـد بايعتـذربيوصلـك لاداخـل الديـس الجميـل

والشـرج روحلـه عشيـه منتشـربتشوف لي ماشفت في الزام الدويـل

بتشـوف اسواقـه خليـه تعتـكـرالبـن فيهـا والعسـل والزنجبـيـل

والصبح شل نفسك وخل رحلتك بـرساعه في الموتر وساعه عا الرجيـل

وعبر بنا في بويـش والريـان مـرسلم علـى الجاويـد ياكمـن اصيـل

والبسط في لـدواس مابيـن القـورومفرق احويره يجـي بعـده بقليـل

وحسور من بعـده تقشـب بالشعـرتبغـا لهـا سـواق متعقـل مهيـل

قـف فـي العقوبيـه وبـرد لايحـرمؤتـرك وتوكـل وقـل الله وكـيـل

ونكس لوادي العين وسرع واعتصـربتشوف كمـن حصـن قدامـه قبيـل

ونشد على المعمور ويـا بـن بكـرلي صيتهم يرقل فـي الـوادي رقيـل

وقبل حوره جسر مـن فوقـه تمـرهو نقطـة العنـوان لـول والدليـل

ومسيال دوعن لي يجي سيله عسـروشرقـي البنبشـر لـه لازم تميـل

سلم على متمت ومـن عنـده اشتـرحلـوى نقيـه مادخلهـا رانجـيـل

بتشوف عاليمنى السفولـه وافتخـربالشيخ بو ياسر ونايـف لـه شبيـل

وبجنبهـم عنـدل ولحـروم النـورلي نورهم يشعل على اليمنى شعيـل

والبـدع وعنيـبـات لازم تنـذكـرعامدخل احريضه سكن كمـن نبيـل

ودخل بي احريضه وواصل واستمـروحذر من التغريز في الرمـل الهليـل

قصع في الحدبـه ببـو اربـع كفـربيـن المثـور والرويضـات القبيـل

ولتبرعـه والقـرن بامـد النـظـروبادخـل وادي خضـر كلـه نخيـل

واصل في الحدبـه ورض لاتصطقـرلازاهر الباقيـس عـا خـط السبيـل

والرحم من بعده بكل طيـب اشتهـرمابينهم مـا شـي مسافـه للدليـل

ودخل بنا لفحون عا الزحمـه صبـرلاجيت في الوقفـه وهيترقـل رقيـل

بتقابل السيلـه مـع القـرن الـزوروالجدفره مـن بعدهـم بثنيـن ميـل

وقصع الى سريـواه بـازور النمـربو مرعي الصمصوم لي يصهل صهيل

وسلم على خنفر الـى شفتـه ظهـروعلى عنق تعـداد ماسيلـه يسيـل

بي قابلك منخوب عا اليمنـى وشـرللرحب وحروبه وشضيه مـش قليـل

وعبر بنـا تحـت النعيـري ياعمـروسرع شوي من قبل لي ضايقك ليـل

بيجيك حصن الشكل مبنـي بالحجـرربا عمر صالـح ومـن مثلـه قليـل

وعبر حبب فرحـان مثـل المنتصـرودخل بنا لاعمد فـي الفـاي الظليـل

في دار بـو احمـد تعصـر وانتشـرونشد على عادل ولـد مالـه مثيـل

وهلـه واخوانـه وهـادي يعتـبـرمثل الصبي في العين لي مابه بديـل

وصعد لجول اكريـث وعقـد مؤتمـروبرز مع هاجسك لـي يزقـل زقيـل

ونظر الى عجـزر بنظـره وختصـروقصع الى دار الضريبي عا الرجيـل

وصعد ولا جيت الدبـه مـد النظـربي قابلك جاحز كمـا شمـراخ خيـل

وعبر قبـل حبـره وسلـم وافتكـرحبـره بلـد بلقـار مافيهـا دخيـل

وطمحان عا اليمنى بلـد كمـن زوروالوجر قدامـه كمـا حيـد الجزيـل

سلام عا طمحـان والوجـر العسـروالمعمله من حيث وطن بـن عقيـل


وقصع لبامهشم علـى اليمنـى نـدروالسمح جنبه والمبارك فـي الدليـل


ودخل الـى سـده وسلـم وعتصـرونشد على صالـح وقلـه مستحيـل

ماتنتسي عـا البـال ياوعـل النتـروعبر بنا عا الحصن لي ماله مثيـل

وصعد على خطك مع الـوادي وسـربتشوف بامحفوظ في القـرن الدويـل

قلـه مسـاك الخيـر ياشبـل النمـرتعداد مايهمل مـن اسحابـه هميـل

بلغـه بامشمـوس هـم والباعـمـريومهم علي مالو مـن السكـه قليـل

والشرجه اللي قد لها صيـت وخبـرهي والشراقي مثـل ينبـع والجبيـل

وطلع بـي الكـادر ولا نزلنـاه قـربنزل من المؤتر وبدحق عا الرجيـل

بدحق على الرجلين في شعبـة عمـرعا المقيف المشهور وسوام الحجيـل

امـن ومستامـن وريـض باعـبـرلبغـا لـي اقامـه ولا ورقـة كفيـل

سلام يا الشعبـه مئـه والفيـن كـرتتوارثه الاجيـال جيلـن بعـد جيـل

وسلام ياظيهـر قبـل عينـي ظهـرظيهر ظهر ماباه مـن سـدي يميـل

فيه الخوه والخـال وطـن واستقـرفي سعف باواكـد وبارميـم الاصيـل

اهل الكرم والجود في وقـت العسـرلامنهـم طاغـي ولا فيهـم ذلـيـل

وحجال من تحته تسـر القلـب سـرلاخضرة تلقـي قصبهـا خـط نيـل

واصل على رجلك دحق ماشي خطـربايشترح خاطـرك والقلـب العليـل

وانظر ولا شطيت عـا اليمنـى نبـرلي با الكرع من سمح شعبه مستغيـل

وسوام ومقايـف بهـا عنـدك خبـروالعلبط المشهور با الفـاي الظليـل

بتقابل الرضحيـن سمعـي والبصـررضحين صنـاع المـروه والجميـل

سلام يا الرضحين عد قطـر المطـريامطرح الناموس والشـرع الطويـل

سلام عاجولـك وعرضـك والشجـروعلى الحصى والطين مره والنخيـل

وسلام لـك ياجـول بالحمـر صـدرلهلك وسكانك ولـي تحـت الصليـل

سـلام لـك تعـداد رملـك والحجـريبلـغ لعبـد الله وحافـظ والدقـيـل

قصد الزياره جيت يا الهاجـس نـدروسكن ونم في دار منظرهـا جميـل

فـوق الحضيـره دار مابيـن القـورلذكرت ساكنها مساء دمعـي يسيـل

بيت وظـل فيهـا ثـلاث ايـام جـركلم عـوض احمـد وقلـه مستحيـل

ماتنتسي فـي القلـب ملقيلـك مقـريامن علـى شانـك ترحلنـا رحيـل

والليل يا الهاجس سمر طاب السمـرشف عادها رحله معي عشرين ميـل

بـن بـدل القافـي لانـه ماسـبـرمن شان عا قافي خري نمسي نكيـل

ذا فصل والثاني علـى ذاك الطـرفباقي معي وادي خري كلـه خضـار

بسـرح وبـازوره وباتكلـف كلـفبدحق على الرجلين في ظهر النهـار

بمشي مع الـوادي ولا جانـي ملـفمن تحت بامحفـوظ باقصـه يسـار

وعلى يمينـي ارض فيهـا ماعـرفغير الكرم والجود والنـاس الخيـار

من فوقها حصنين عا روس الدكـفتشهد على الماضي على حالي وقـار

والعسكري سـدي علـى ذاك الـردفساكن في الدكوه ولـه تاريـخ سـار

باقابـل الخـربـه فللها والـغـرفمن فوقها ماقـس بلـد كـل التجـار

سلام يا الخربه عـدد نـزل القنـفوعداد رعدانـه وعـد مانجـم ثـار

وصعدة جاني شرج سـودان العكـففيه الاسد ساكن ومـن حولـه نمـار

قابلنـي الشرقـي بطيبـه والحتـفجنه في الطيبه وفـي الشـدات نـار

لي اصدقاء واصحاب يا الهاجس وقفماباك تستعجـل تقـول الجـو حـار

سلم على الشرقـي مئـة مـره ردفكـرر سلامـك الـف مـره بافتخـار

وقصع الى مخيه سوى والقرن شـفسلم على الاخوان لـي فـي كـل دار

وطلع مع الوادي وعا يسـراك لـفمقصدك لا قريه زبينـه عـا اليسـار

لا رباط باكوبن مـع الهـادف هـدفونشد على صدقاء وعا صاحب وجار

بي رحبو بك الف ماحـد بـي خلـفليهم لقو مقصد لكـل عابـر ومـار

عا البونعم سلـم رجاجيـل الشنـفعا الشاب والشيبه ولي عدهم صغـار

اعداد ما بارق فـي اجهامـه يـرفوالرعد يتحطرم في اطـراف المثـار

وقلهـم لـو كـان قـل المختـلـفكله سببه البعـد واسبـاب السفـار

واصل الـى ترمـل ولنتـه متعـرفحط الزبيدي يـوم عنـدك مستشـار

ون قـال باساعفـك قلـه لتسعـفماباك سعفي نختلف فـي كـل شـار

هب خلني وحدي معا الـوادي نلـفباقابـل اترمـل حصونـه والـديـار

صاحب معي فيها من اصحاب الجلفلـه عندنـا قـدره وعـزه واعتبـار

بو عيضه الصمصوم بـلاغ الهـدفقله مسـاك الخيـر يـاذري النمـار

ونظر على اليمنـى مقابـل يعتـرفوسلم على جول المحطه وانـت مـار

ورجع الى خطك علـى ذاك الطـرفبتجي القريه لـي لهـا تقديـر حـار

واصل على رجلك مع الوادي وطـفودخل بي الحوطه وزر كمـن مـزار

واصل الى الحالـه طريقـك لتوقـفبلـغ تحياتـي لـهـم عــا دار دار

وقلهـم باقـي فـي الرحلـه هـدفوديت بـازور الخميلـه بـا النهـار

برجع عليهـم بعـد ماحصـل ملـفداعس مع المعقل على نفس المسـار

صدفه كتبناهـا ويامحلـى الصـدفلاقد صدر فيها مـن الهاجـس قـرار

والقصد من هـذا التعـب والمختلـفقصدي زيـاره زور كـل قريـه ودار

عا الجود والمعروف مـره والشـرفقد زرتكم يـاراس مالـي والضمـار

والعفو لا شي ضرب من بندقي طـفمـا يكمـل ابنـادم ولا بيـده قـرار

مايكمـل الا الله قاضـي كـل شـفالامر بيـده والقضـاء هـو والقـدار

الحمد له والشكر عـد هـادف هـدفللحج والعمره وعـد رمـي الجمـار

واعداد ما بحـره بموجاتـه زغـفواعـداد ماميـح وغـرد طيـر فـار

عا لرض هذه ياحسوفه بـا الحسـفمن عدة ايامه مفـارق فـي السفـار

من صدق قال الذيب واقـع معتـرفقرب الوطن جنه وامـا البعـد نـار